Conceptos da Educación para o Desenvolvemento: Cambio e futuro

Imaxe 1: A capacidade de orientarse cara o futuro varía coa idade. É importante adaptar as actividades sobre cambio e futuro, para permitir unha reflexión que dea confianza aos nenos sobre o seu poder para promover o cambio.

Aínda que un dos obxectivos da educación é preparar ás persoas para o futuro, moitos programas educativos oriéntanse cara o pasado. Isto ofrece poucas ocasións aos rapaces para reflexionar sobre o seu porvir e sobre o que poderían facer cos coñecementos que acumularon.

Cómo falar sobre o futuro na clase

Pódese tratar o futuro como un tema transversal cuxa dimensión abarque todas as asignaturas. A educación sobre o futuro e a posibilidade de influír nel pode axudar ao alumnado a:

• Decatarse de que as accións realizadas no pasado teñen unha influenza no presente e que as accións que se están a realizar agora repercutirán no futuro. 
• Entender que o futuro non está aínda fixado nin predeterminado, senón que pode variar. Poden ocorrer moitos futuros alternativos, mais é o comportamento que temos hoxe en día o que fará realidade unha destas alternativas.

Predicción, non adiviñación

Para que a aprendizaxe sobre o futuro non se transforme nun xogo de adiviñanzas sobre o que podería ocorrer dentro duns anos, cómpre partir de situacións do presente e desenvolver os posibles futuros alternativos tendo en conta as necesidades máis urxentes dos membros da sociedade.

Afrontar o cambio

Os cambios prodúcense máis rápido no presente que nos séculos pasados. A educación sobre o futuro ten que basearse en:

• Un estudo do procedemento de cambio.
• A comprensión de como se produce este cambio. 

Os cambios rápidos que se producen local, nacional e mundialmente, poden provocar nos rapaces sentimentos de impotencia ou de falta de control sobre as forzas que afectan ás súas vidas. Para sentírense motivados, precisan entender por que algunhas alternativas para o cambio non están ao seu alcance e explorar posibilidades máis realistas. O obxectivo é que podan saír da escola coa confianza nas súas propias capacidades para influír no futuro e boa vontade para facelo efectivo.

  Anterior Seguinte