A interdependencia non é só unha característica dos sistemas a escala mundial. Pódese observar tamén a escala local e nacional.

Os máis novos pódense familiarizar con este concepto estudando a interdependencia dos roles nunha familia, nunha escuela, entre os traballadores dunha mesma empresa, nunha comunidade local e entre as rexións dun mesmo país.

• A contaminación: a presenza de produtos tóxicos no aire e na auga traspasa as fronteiras nacionais e pode afectar ás cadeas alimenticias dos países veciños e, por conseguinte, á saúde e aos medios de vida dos cidadáns e cidadás.

• As crises: un conflito nun país produtor de petróleo pode afectar ao abastecemento de petróleo no mundo enteiro e provocar modificacións na política enerxética de países situados a miles de quilómetros.

• A pobreza: as súas causas non se limitan á falta de medios económicos, senón que implican varios factores interrelacionados, como desigualdades profundas no acceso á educación, á sanidade, a un medio ambiente saudable ou á igualdade de dereitos e oportunidades. Se se trata de eliminar a pobreza atendendo só ás necesidades de subsistencia só se obteñen resultados parciais.