Vídeos, xogos e multimedia

Nesta sección pódense atopar recursos multimedia en distintos formatos que poden incorporarse a calquera momento da programación de aula. Aínda que están recomendados para etapas concretas, poden ser utilizados para un amplo rango de idades variando o nivel de análise.

Os docentes poden presentalos ben en equipos individuais ou compartilos a través dun proxector. Todos os recursos ofrecen a posibilidade de ser comentados, o que será de grande axuda ao profesorado para avaliar a calidade do proceso de aprendizaxe, ademais de utilizar outras aportacións doutros grupos como un elemento educativo máis.

Cada un dos temas propostos está desenvolvido a través dos distintos formatos, o que permitirá aos docentes a súa utilización nesa dobre dimensión: por tema ou por formato. Na sección Actividades e propostas existen propostas máis detalladas de como utilizalos.

Estas son as principais características destes recursos de aprendizaxe segundo formatos: 

 

Galerías

Coleccións fotográficas de UNICEF e outros fondos documentais agrupados por temas, que permiten desde aproximarse a un tema de forma visual ata organizar unha completa exposición fotográfica na aula. Nocións básicas de análise de imaxe fixa axudarán ao alumnado a reflexionar acerca de cuestións sobre desenvolvemento humano. As súas principais posibilidades son:

• Ilustrar o tema presentado e predispoñer positivamente ó seu contindo.
• Coñecer as características da linguaxe fotográfica.
• Posibilitar situacións de aprendizaxe colectiva.

Vídeos

Unha película, un anuncio, un documental, etc. poden ser elementos de gran impacto á hora de presentar información. Neste formato atoparás distintos recursos que posibilitarán:

• Xerar empatía cara as vivencias das personaxes.
• Facilitar unha información que posibilite a reflexión persoal e o debate.
• Coñecer as características da lenguaxe audiovisual.
  

Temas

Unha información a fondo para o alumnado máis esixente proporcionaranos unha visión completa do tema proposto. Este contido está orientado a:

• Coñecer en profundidade o tema poposto e súas interrelacións.
• Dotar de información suficiente para xerar unha reflexión e unha posición persoal.
• Motivar a participación na solución da problemática presentada desde as posiblidades persoais concretas.

Xogos

O poder do lúdico como instrumento esencial da aprendizaxe. Xogos interactivos de distintos tipos farannos reflexionar sobre os nosos coñecementos e sentimentos, ademais de pornos en situacións ficticias de grande valor educativo. Os principais obxectivos que podemos acadar con estes recursos son:

• Transmitir información sobre e tema proposto a través de xogos interactivos.
• Amosar a trascendencia das nosas decisións nos resultados dos distintos xogos.
• Analizar pautas de conducta establecidas a partir da simulación que posibilita o xogo.
  

Cómics

A través dun cómic multimedia presentamos unha historia real ou unha situación ficticia que nos permite mostrar un problema en toda a súa extensión. Este formato seranos moi útil para:

• Presentar nun formato gráfico o tema en cuestión.
• Predispor positivamente a profundización no tema.
• Xerar unha reflexión e un debate inicial en torno ao tema proposto.
  

Documentos

Neste apartado, e xeralmente en formato .pdf, estarán dispoñibles recursos imprimibles que poden servir como ferramentas de lectura: fichas do alumnado, contos, etc.

  Anterior Seguinte