| |
|
| |
|
| |
| Kalitatezko
hezkuntza batek honako ezaugarriak izan behar
ditu: |
 |
Unibertsala izatea,
hau da, neskatila eta mutil guztientzat sartzen
erraza eta eskuragarria izatea.
|
|
Derrigorrezkoa
izatea, hau da, eskolara joatea ala ez joatea
ez da negoziatu behar.
|
|
Diskriminatzailea
eta sexista ez izatea, eta neskatilen eta
mutilen arteko desberdintasunak errespetatzea.
|
|
Giro sano eta atsegin
batean garatzea.
|
|
Mutilen eta neskatilen
erabateko garapen fisiko, mental eta sozialean
laguntzea.
|
|
Hezkuntza funtsezkoa da gure garapen pertsonalerako; oinarrizko
ezagutza teorikoak emateaz gain, bizitzarako trebatzen
gaitu.
Baina edozein motako hezkuntza ez da baliagarria, Jasotzen
dugun hezkuntzak kalitatezkoa izan behar du. Horregatik,
munduko erakunde asko neskatila guztientzako eta mutil
guztientzako kalitatezko hezkuntza bat ziurtatzeko lanean
ari dira.
Gaur egun eskolarako adina duten 120 milioi haur baino
gehiago ez dira eskola joaten, eta gehienak, ia bi heren
(79 milioitik gora), neskatilak dira.
Zer dela eta halako desberdintasuna? Mutilek eta neskatilek
eskolara sartzeko aukera ukatuta arrazoi desberdinengatik
izan dezakete: beren jatorri etnikoarengatik, HIESarengatik,
eskolara joatea saihesten dien gehiegizko lanarengatik,
hiriko edo landako jatorriarengatik, pobreziarengatik,
minusbaliaren bat izateagatik, osasun edo elikadura-egoera
txarrarengatik, egoera gatazkatsu edo ezegonkorrarengatik,
familiaren laguntza-faltarengatik, legearen babesik ez
izateagatik, ikastetxea urrutiegi egoteagatik, etab.
Baina, neskatila bat denean, arrazoi horiei neskatila izatea gehitzen zaie eta horrela diskriminazioa
bikoitza da. Neskatila jaiotze hutsagatik milioika neskatilak
kalitatezko hezkuntza jasotzeko beren eskubidea urratuta
dute.
Gaur egun, inork ez du ukatzen hezkuntzak neskatilentzako
eta oro har gizartearentzako dituen onurak. Horregatik,
neskatilek kalitatezko hezkuntza jaso ahal izan dezaten
ziurtatzea lehentasun bilakatu da mundu osoan .
Kalitatezko hezkuntza baten onurak ez dira
neskatilengan bakarrik geratzen; frogatuta dago
helmen handiagoa duela. Hezitako neskatilek,
|
aukera gehiago
dituzte bizitzan. Ahots handiagoa dute familiako
eta komunitateko arazoetan eta politikaren,
gizartearen eta ekonomiaren esparruan erabakiak
hartzen parte hartzeko aukera handiagoa dute.
|
|
HIESaren aurka
babesteko eta, emakumeen sexu-organoen ebaketa
bezala, beren osasunarentzat kaltegarriak
diren praktiken aurka mobilizatzeko trebetasun
eta baliabide gehiago dituzte.
|
|
beranduago ezkontzen
dira eta seme-alabak ere beranduago izaten
dituzte, hala erabakitzen dutelako.
|
|
ama izanez gero,
seguraski beren seme-alaba guztiak eskolara
bidaliko dituzte. Gainera, seme-alaba sanoagoak
izaten dituzte eta haurdunaldiak ere osasuntsuagoak
dira, horrela amen heriotza-tasa murriztuz.
|
|
etorkizunean lan
bat lortu eta ekonomia formalean parte hartzeko
aukera gehiago dituzte. Horrek onurak ekartzen
dizkie diru-sarrera indibidualei eta etxeetakoei,
eta hazkuntza ekonomikoa bultzatzen laguntzen
du.
|
Gainera, neskatilei eskaintzen zaien arretak mutilei
ere mesede egiten die, neskatilen hezkuntzak, desberdintasunei
eta diskriminazioari eusten dieten jarrerak eta
portaerak agerian jartzean, mutilen eta neskatilen
arteko berdintasuna ziurtatzen laguntzen duelako.
Horrek guztiak berdintasunezko gizarte bidezkoagoak,
indarkeriarik gabekoak eta pertsonetan oinarritutakoak
ziurtatzen laguntzen du. Azkenean, guztioi egiten
digu mesede.
|
HEZKUNTZA: BESTE EZER BAINO
LEHEN, GIZA ESKUBIDE BAT
Oro har gizarte osoarentzat ekartzen dituen onura
ekonomikoa, sozial eta politikoetatik harantz, hezkuntza
pertsona guztiei aitortzen zaien eskubide unibertsal
bat da, haien sexua kontuan hartu gabe, eta horregatik
da lehentasun bat:
Haurren Eskubideei buruzko Hitzarmena, 28. artikulua:
Haur guztiek dute hezkuntza-eskubidea, eta
Estatuek lehen mailako hezkuntza doakoa eta derrigorrezkoa
izatea ziurtatu behar dute, mutil eta neskatila
guztientzako sartzen erraza izango diren bigarren
mailako hezkuntza-forma desberdinak sustatu behar
dituzte eta, beren gaitasunen arabera, goi-mailako
hezkuntza guztientzat lorgarri izatea eragin behar
dute.
Emakumeei buruzko Munduko
IV. Biltzarra, B atala: Hezkuntza giza
eskubide bat eta berdintasuna, garapena eta bakea
lortzeko funtsezko erreminta bat da. Diskriminaziorik
gabeko hezkuntzak mutilei nahiz neskatilei mesede
egiten die eta, horrela, emakumeen eta gizonen artean
berdintasunezko harremanak ezartzen laguntzen die.
|
|
|
|
