Ikasturte honetan UNICEFekin lankidetzan aritu zaitezkete eta gero eta neskatila gehiagok eskolan sartu ahal izatea eta inolako diskriminazio-motarik gabeko kalitatezko hezkuntza batez gozatzea lor dezakezue.

Hori lortzeko, UNICEFek, aliatu desberdin askorekin lankidetzan arituz, mundu-mailako eta nazio-mailako kanpainak hasten ditu, neskatilak eskolara joateko ahaleginen barruan.

Kanpainez gain, UNICEFek lan egiten duen herrialde desberdinetan hainbat proiektu burutzen dira neskatilentzako, eta oro har haur guztientzako, kalitatezko hezkuntza ziurtatzeko. Ondoren, munduko eskualde desberdinetatik hartutako lau adibide aurkeztuko dizkizuegu:

Neskatilak gutxiengoa dira lehen hezkuntzako zikloan, bereziki landa-ingurunean eta hirietako kanpoaldeko zonetan, landatik hirietara joaten den biztanleria bertan pilatzen delako. Horregatik, Iparraldeko eskualdeko haurrentzako oinarrizko hezkuntza oso baterako kalitatezko kudeaketa izeneko proiektuak, helburutzat hezkuntzaren kalitatea hobetzea duenak, Marokoko Iparraldeko hirietako kanpoaldeko eta landako zonetan bizi diren neskatilei egingo die mesede batez ere.