En todas as rexións do mundo, a discriminación
de xénero (discriminar polo feito de nacer nena)
é unha realidade que afecta todos os aspectos da
vida das mulleres e das nenas. Así, nenas e mulleres
ven limitadas as súas oportunidades para desenvolverse
plenamente como cidadás de pleno dereito.
No que se refire á educación, a situación
é preocupante. Dos máis de 875 millóns
de persoas sen estudios, dous tercios son mulleres;
e dos máis de 120 millóns de nenos non
escolarizados, o 70% son nenas.
Todas as nenas teñen dereito á educación.
Cada nena que asiste á escola representa un importante
paso cara á eliminación da pobreza, un avance
cara á igualdade de xénero e cara a un desenvolvemento
humano sostible; pero cada nena que non asiste ve negado
o seu dereito á educación, aumenta as súas
probabilidades de que no futuro sexa víctima da
violencia e da explotación e de que a súa
vida sexa menos sa e productiva. As razóns da
discriminación das nenas no acceso á educación
son diversas, pero a máis importante delas é
que as nenas e mulleres
son discriminadas polo simple feito de naceren nenas
En moitos países, a posición social inferior
da muller leva á convicción de que a súa
formación e educación son inútiles
e, como moito, ensínaselles algo que lles poida
servir á hora de converterse en nais ou esposas;
só os rapaces entran no mercado laboral e son
o axustador financeiro da familia. O papel das nenas
redúcese a quedar na casa para limpar, a preparar
a comida, a coidar das irmás e dos irmáns
máis pequenos e das persoas anciás ou
enfermas, ademais de a traballar fóra da casa,
no campo, no mercado ambulante…
Ademais, as prácticas culturais e tradicións,
como os matrimonios precoces, os embarazos adolescentes
e as desigualdades de xénero na sociedade contribúen
ós malos resultados das nenas e fórzaas
a que deixen a escola.
 |
A discriminación baseada no xénero é
un problema mundial e non se limita ós países
nos que hai moitas nenas fóra da escola. En todas
as rexións e países do mundo, e nos supostamente
desenvolvidos tamén, cando as nenas van ó
colexio loitan para aprender dentro dun sistema que non
é adecuado ás súas necesidades. Estas
son algunhas das razóns:
 |
En
moitos países, a ausencia de mulleres profesoras
que lles sirvan de modelo fai que as nenas non asistan
á escola. |
|
A distancia
das escolas fai que moitas familias se resistan
a enviar as súas nenas ó colexio,
xa que non ven con bos ollos que as nenas fagan
ese longo camiño soas. |
|
O profesorado,
os currículos, os libros de texto, os procesos
educativos e as relacións na clase reforzan
os estereotipos de xénero, perpetuando un
sistema discriminatorio cara ás nenas. |
|
O temor,
moitas veces real, a que as nenas sexan obxecto
de abusos por parte dos profesores fai que moitas
familias decidan non enviar as súas fillas
á escola. |
|
As facilidades
escolares inapropiadas fan que moitas nenas abandonen
a escola (falta de instalacións sanitarias,
acceso a auga potable e WC separados para nenos
e nenas, por exemplo). |
Así, a educación non beneficia por igual
a nenas e nenos. A falta de educación das nenas
leva consigo a marxinación aínda maior das
mulleres, incapacítaas para poder mellorar a súa
situación e para tomar decisións importantes
sobre a súa vida. Tamén lles impide ter
os seus propios ingresos, crecer profesional e intelectualmente
e, sobre todo, négalles un dereito fundamental
para todo ser humano: o dereito á educación.
¿Que é necesario
para superar esta situación?
Cada país debe actuar segundo as súas
particularidades e as súas necesidades, en
canto á educación das nenas; sen embargo,
hai unha serie de medidas que sempre proporcionan
bos resultados. Algunhas delas son:
- Asegurar:
- O acceso universal a unha educación
primaria de calidade.
- Libros, profesorado e currículos sensibles
ó xénero.
- Instalacións sanitarias, acceso a auga
potable e WC separados para nenos e nenas.
- Currículos adaptados á vida
cotiá das nenas e dos nenos
- Liberdade para que cada cal, independentemente
de ser neno ou nena, elixa o que queira
estudiar.
- O reforzamento pedagóxico para as nenas.
- Sensibilizar os gobernos, comunidades
e familias sobre o valor da educación
das nenas.
- Pedir para que os gobernos gasten máis
en educación e menos en cuestións
bastante máis prescindibles, como
os gastos militares.
- Condonar a débeda externa de
moitos países con serios problemas no
acceso das nenas á educación.
- Aprobar leis que protexan as nenas
e as mulleres e que aseguren o gozo dos seus
dereitos, recoñecidos internacionalmente.
|
|
